Presidentja e vendit, Vjosa Osmani, e cila po merr pjesë në edicionin e katërt të Forumit Diplomatik të Antalisë, ka takuar presidentin e Sierra Leones, Julius Maada Bio.
Osmani, përmes një postimi në Facebook, ka thënë se diskutuan për forcimin e marrëdhënieve bilaterale ndërmjet dy shteteve.
“Gjithashtu, diskutuam edhe mundësitë konkrete të bashkëpunimit në fusha të ndryshme të interesit të përbashkët. Shkëmbyem po ashtu ftesat për vizita respektive në vendet tona, për t`i forcuar më tej lidhjet tona miqësore dhe për të hapur kapituj të rinj bashkëpunimi”, ka shkruar Osmani në Facebook.
