Presidentja Vjosa Osmani i ka vlerësuar të rëndësishme takimet me presidentin francez Emmanuel Macron dhe atë të Turqisë, Recep Tayyip Erdogan në kuadër të Samitit të Komunitetit Politik Evropian (EPC) në Tiranë.
Përmes një postimi në platformën X, Osmani takimin me Macron e cilësoi si një mundësi për të riafirmuar vizionin e përbashkët për integrimin euroatlantik të Kosovës.
“Një mundësi e vlefshme për të biseduar me presidentin Emmanuel Macron në Tiranë rreth partneritetit Kosovë–Francë dhe vizionit tonë të përbashkët për të ardhmen euroatlantike të Kosovës,” ka shkruar Osmani në platformën X.
Ndërkaq, presidentin turk Erdogan e vlerësoi si mik të palëkundur të Kosovës.
“Gjithmonë kënaqësi të takoj presidentin Erdogan – një mik i palëkundur i Kosovës. E falënderova për mbështetjen e tij të palëkundur për popullin tonë dhe për avokimin e vazhdueshëm, si dhe për punën krah për krah me ne për të forcuar pozicionin ndërkombëtar të Kosovës”, ka shkruar presidentja në një postim tjetër në X.
