Ka përfunduar takimi i kryeministri në detyrë dhe njëherësh kryetari i Lëvizjes Vetëvendosje, Albin Kurti me liderët dhe përfaqësuesit e partive politike.
Lideri i LDK-së, Lumir Abdixhiku pas takimit ka thënë se kryetari i LVV-së, Albin Kurti insiston në pozicionet paraprake.
Fillon takimi i Kurtit me liderët e partive parlamentare
Me përjashtim të kreut të AAK-së, Ramush Haradinaj, të gjithë liderët e partive tjera parlamentare po marrin pjesë në takimin e thirrur nga kryeministri në detyrë dhe njëherësh kryetari i Lëvizjes Vetëvendosje, Albin Kurti.
AAK në takim po përfaqësohet nga Time Kadriaj. Nga PDK, në takim po marin pjesë, kryetari Memli Krasniqi dhe nënkryetarja Vlora Çitaku. Nga LDK, kryetari Lumir Abdixhiku dhe deputetja Hykmete Bajrami. Nga Lista Guxo, bashkëkryetari Faton Peci. Alternativa po përfaqësohet nga Mimoza Kusari Lila dhe nga Nisma Socialdemorakte, po mer pjesë kryetari Fatmir Limaj. Në takim po marrin pjesë edhe përfaqësuesit e partive nga komunitet joshumicë.
Kurti arrin në Kuvend për takimin që ka thirrur me liderët e partive
Kryeministri në detyrë, njëherësh kryetar i Vetëvendosjes, Albin Kurti, ka arritur në Kuvend për takimin që ka thirrur me liderët e partive.
Kurti u deklarua shkurt para takimit: “Tash po shkojmë në mbledhje, se pari ta shohim kush po vjen, si po ecën, e mandej shpresojmë të kemi çfarë të themi”, tha ai.
Në Kuvend, pas Kurtit ka arritur edhe kreu i Nismës Socialdemokrate, Fatmir Limaj, i cili tha se do të deklarohet pas takimit.
