Moska planifikon sulm me 2,000 dronë kundër Ukrainës

Kreu i qendrës së situatës për Ukrainën në Ministrinë gjermane të Mbrojtjes, gjeneralmajori i Bundeswehr-it Christian Freuding, tha dje se Moska synon të lëshojë deri në 2,000 dronë njëkohësisht drejt Ukrainës, raportuan mediat ukrainase.
    Kjo “do të paraqesë një sfidë serioze për sistemin e mbrojtjes ajrore ukrainase”, shtoi Freuding në një podcast.
    “Kundërmasa të zgjuara” janë të nevojshme, shtoi ai, duke vënë në dukje se përdorimi i raketave Patriot kundër dronëve kamikazë rusë është i palogjikshëm, të cilët kushtojnë 30,000-50,000 euro, ndërsa një raketë Patriot kushton mbi 5 milionë.