“Jam i përgatitur të vendos sanksione të rëndësishme ndaj Rusisë kur të gjitha shtetet anëtare të bien dakord dhe të fillojnë të bëjnë të njëjtën gjë”, shkroi presidenti amerikan në një postim.
Presidenti i SHBA-së, Donald Trump u dërgoi një letër shteteve të aleancës ushtarake te NATO-se , duke u bërë thirrje të gjithë anëtarëve të ndalojnë blerjen e naftës ruse dhe të vendosin sanksione ndaj Rusise me qëllim që t’i japin fund luftës në Ukrainë.
“Jam gati të vendos sanksione të rëndësishme ndaj Rusisë kur të gjitha shtetet anëtare të NATO-s të bien dakord dhe të fillojnë të bëjnë të njëjtën gjë , dhe kur të gjitha shtetet anëtare të NATO-s të ndalojnë së bleri naftë nga Rusia ”, tha ai në një postim në rrjetet sociale.
Ai gjithashtu sugjeroi që NATO në tërësi të vendosë tarifa prej 50-100% ndaj Kinës për të dobësuar ndikimin e saj ekonomik mbi Rusinë. Thirrja vjen pas kërcënimeve të mëparshme të Trump për sanksione dytësore kundër vendeve që blejnë naftë ruse, siç janë blerësit kryesorë Kina dhe India, nëse nuk ka përparim drejt përfundimit të luftës në Ukrainë.
” Nëse NATO bën atë që them unë, lufta do të përfundojë së shpejti dhe të gjitha këto jetë do të shpëtohen! Nëse jo, thjesht po më humbni kohën, si dhe kohën, energjinë dhe paratë e Shteteve të Bashkuara”, shtoi ai.
