Kryeministri në detyrë, Albin Kurti, ka shprehur solidaritetin e Kosovës me Estoninë, pas sulmeve ajrore nga ana e Rusisë.
“Lajmi i sotëm për shkeljen e hapësirës ajrore të Estonisë nga Rusia është shumë shqetësues. Kosova solidarizohet me Estoninë gjatë kësaj kohe”, ka shkruar ai në X.
Estonia akuzoi dje Rusinë se tre avionë luftarakë rusë MiG-31 shkelën për 12 minuta pa leje hapësirën e saj ajrore. Estonia e quajti këtë veprim një ndërhyrje “pa precedent”, e cila përshkallëzon tensionet në krahun lindor të NATO-s.
Edhe Polonia njofton për shkelje të hapësirës ajrore. Pak orë pas shkeljes së hapësirës ajrore të Estonisë rojet kufitare të Polonisë njoftuan edhe se dy avionë luftarakë rusë kanë shkelur zonën e sigurisë së platformës së shpimit Petrobaltic në Detin Baltik.
