Kosova ka arritur një fitore historike në stadiumin “Nya Ullevi” të Goteborg, duke mposhtur Suedinë me rezultat minimal 0-1, në ndeshjen e vlefshme për kualifikimet e Kupës së Botës 2026.
Ky triumf e konsolidon pozitën e dytë të Kosovës në grup, duke e mbajtur gjallë ëndrrën për pjesëmarrje në Botëror.
Ndeshja e së hënës ka nisur me dominim të suedezëve në posedim, por Kosova është treguar më konkrete dhe më e rrezikshme para portës kundërshtare.
Goli i fitores është realizuar në minutën e tridhjetë e dytë nga Finsik Asllani, pas një aksioni të shpejtë ku kanë qenë të përfshinë Muriqi dhe Hoxha.
“Dardanët” kanë qenë shumë pranë golit të dytë në minutën e dyzet e tretë, kur gjuajtja e Abdullahut, pas një rrëmuje në zonën suedeze, është ndalur vetëm nga shtylla.
Në pjesën e dytë, Suedia e ka shtuar presionin në kërkim të barazimit, por Kosova ka treguar qëndrueshmëri në mbrojtje dhe ka rezistuar.
Rastet më të mira për vendasit i ka pasur Alexander Isak — në minutën e gjashtëdhjetë e shtatë, kur ka gjuajtur me kokë mbi traversë, në të shtatëdhjetë e katërtën, kur vetëm fati e ka shpëtuar Kosovën nga barazimi, si dhe në minutat shtesë kur sërish ka gjuajtur me kokë.
Me këtë fitore, Kosova e mbyll tetorin në vendin e dytë të grupit, pas Zvicrës, ndërsa Sllovenia renditet e treta dhe Suedia e katërta.
Ndeshjet e ardhshme, të cilat pritet të jenë vendimtare në garën për kualifikim, do të zhvillohen në nëntor, kur Kosova do të përballet me Slloveninë dhe Zvicrën, dy duele që mund të përcaktojnë kualifikimin e Botërorit. 
Kosova e mbyll pjesën e parë me rast tjetër për të shënuar
Kosova ka qenë shumë pranë golit të dytë në minutën e dyzet e tretë të ndeshjes kundër Suedisë, kur pas një rrëmuje në zonën vendase, gjuajtja e Abdullahut është ndalur nga shtylla, duke i mohuar dardanëve rritjen e epërsisë.
Pavarësisht humbjes së këtij rasti, Kosova po zhvillon një ndeshje të fortë dhe është në avantazh pas pjesës së parë në “Nya Ullevi” të Goteborg, në kuadër të kualifikimeve për Kupën e Botës 2026.
Goli i epërsisë është shënuar në minutën e tridhjetë e dytë, kur Finsik Asllani ka realizuar pas një aksioni, në të cilin kanë marrë pjesë Muriqi dhe Hoxha.
Suedia ka dominuar në posedimin e topit, por pa arritur të krijojë shumë raste të rrezikshme, ndërsa Kosova ka treguar efikasitet dhe organizim në lojë.
Kosova në epërsi me golin e Asllanit
Kosova e ka gjetur epërsinë në tokën suedeze ndaj kombëtares helvetike.
Ka qenë minuta e tridhjetë e dytë kur Finsik Asllani ka realizuar golin e avantazhit. E tëra ka ndodhur në një aksion ku protagonistë kanë qenë Muriqi, Hoxha dhe në fund Aslllani.
Paraprakisht, në një aksion tjetër, Asllani ka pasur një gjuajtje tjetër në drejtim të portës, po ku është treguar i pasaktë.
Megjithatë deri në fund të ndeshjes ka edhe shumë kohë.
Nis ndeshja Suedi–Kosovë
Ka nisur ndeshja mes Suedisë dhe Kosovës, e vlefshme për kualifikimet e Kupës së Botës 2026.
Takimi po zhvillohet në stadiumin “Nya Ullevi” të Goteborg.
Kosova e kishte fituar përballjen e parë me rezultat 2-0.
Paralelisht me këtë takim, po zhvillohet edhe ndeshja tjetër e grupit mes Sllovenisë dhe Zvicrës.
Aktualisht, grupi kryesohet nga Zvicra, ndërsa Kosova ndodhet në vendin e dytë, e ndjekur nga Sllovenia dhe Suedia. 
Suedi – Kosovë, formacionet
Kosova luan sonte kundër Suedisë në një ndeshje të vlefshme për kualifikimet e Kupës së Botës të vitit 2026. Tashmë janë publikuar edhe formacionet zyrtare.
