Presidentja e Komisionit Evropian, Ursula von der Leyen, me rastin e vizitës së saj në Kosovë, ku u takua me presidenten e vendit, Vjosa e Osmani dhe me kryeministrin në detyrë, Albin Kurti, tha se është e rëndësishme që Kosova të vazhdojë të ndërtojë institucione të forta, të qetësojë tensionet në vend dhe gjithashtu të përmbyllë hapat e nevojshëm për të përfituar nga Plani i Rritjes.
Von der Leyen, në një postim në ‘X’ në vizitën që ajo po i bën rajonit u shpreh se BE mbetet e përkushtuar ndaj një të ardhmeje ku të gjithë gjashtë partnerët e Ballkanit Perëndimor të jenë pjesë e BE-së.
“Ne mbetemi të përkushtuar ndaj një të ardhmeje ku të gjithë gjashtë partnerët e Ballkanit Perëndimor janë pjesë e Bashkimit tonë. Për këtë, është e rëndësishme që Kosova të vazhdojë të ndërtojë institucione të forta, të qetësojë tensionet në vend dhe gjithashtu të përmbyllë hapat e nevojshëm për të përfituar nga Plani i Rritjes”, ka shkruar Von der Leyen.
