Videoja u transmetua në kanalin shtetëror Rossiya 1, dhe prezantuesi shpjegoi në detaje të gjithë procedurën gjatë hyrjes së përkthyesve, delegacioneve amerikane dhe ruse.
Delegacioni amerikan, i udhëhequr nga i dërguari i Trump, Steve Witkoff, dhe dhëndri i tij, Jared Kushner, ishte në Moskë këtë javë për bisedime me udhëheqësin rus Vladimir Putin.
Përveç videos zyrtare njëminutëshe për gazetarët, e cila u transmetua nga Kremlini, dhe njoftimeve e komenteve të shumta që pasuan përfundimin e takimit në pallatin presidencial, u shfaq edhe një video ekskluzive e mbërritjes së delegacionit rus dhe amerikan në sallën ku Putini mirëpret mysafirët.
Regjistrimi u transmetua në kanalin shtetëror Rossiya 1, dhe prezantuesi shpjegoi në detaje të gjithë procedurën gjatë hyrjes së përkthyesve, delegacioneve amerikane dhe ruse, domethënë se si Putini ishte i fundit që hyri në sallë.
Veçanërisht interesante ishte pjesa ku zbulohet se Putini ka një buton presidencial, të cilin mund ta përdorë për të telefonuar një ndihmës në çdo kohë, nëse ndien nevojë të bashkohet në bisedë.Një tjetër detaj interesant ishte se këshilltari i Putinit, Yuri Ushakov, hyri menjëherë pas Witkoff dhe Kushner dhe i përshëndeti ata ngrohtësisht.
