Donald Trump tha se gjyqi kundër tij është “shumë i vështirë” për bashkëshorten e tij, ish-zonjën e parë Melania Trump, raporton Newsweek .
Trump u bë ish-presidenti i parë amerikan që u dënua për një krim kur u shpall fajtor të enjten për 34 akuza për falsifikim të të dhënave të biznesit në një rast që rrjedh nga pagesat sekrete ndaj aktores pornografike Stormy Daniels gjatë fushatës presidenciale të vitit 2016.Ai akuzohet se ka tentuar të mbulojë lajmin për lidhjen e dyshuar seksuale jashtëmartesore. Trump ka mohuar të ketë një lidhje me Daniels dhe ka kritikuar ashpër vendimin e jurisë.
Ndërsa disa anëtarë të familjes Trump morën pjesë në gjyq për të treguar mbështetjen e tyre, Melania Trump nuk erdhi në gjykatën e Manhatanit.
Në një intervistë që u transmetua në Fox të dielën, Trump tha se Melania ishte “mirë”, por se ishte “shumë e vështirë”.
“Unë mendoj se është më e vështirë për familjen time sesa për mua,” tha Trump. Ajo është mirë, por mendoj se është shumë e vështirë për të. Dua të them, është mirë. Por, ju e dini, ajo duhet të lexojë gjithë këtë mut”, shtoi ai.
Ndryshe, burime të afërta me Trump kanë folur ditët e fundit për inatin e Trump që Melania nuk i ka ofruar mbështetje publike. Gjithashtu, Melania nuk u paraqit në asnjë gjyq në procedimin kundër Trump.
