Këngëtarja shqiptare me famë botërore, Rita Ora, ka anuluar performancën e saj në Hungari vetëm disa orë para se të dilte në skenë, pasi është sëmurë dhe e ka kaluar natën në një spital të Budapestit.
Ajo këtë e ka bërë të ditur vet përmes një InstaStory, duke thënë se i duhet pushim dhe do të ndjek udhëzimet e mjekut.
“Ju lutem më falni për këtë kthesë të papritur të ngjarjeve, por fatkeqësisht nuk do të jem në gjendje të performoj në Campus Fesztival sonte”.
“Pasi e kalova natën në spitalin e Budapestit, më duhet të pushoj plotësisht dhe të ndjek udhëzimet e mjekut. Më vjen keq për fansat e mi që do të jenë atje sot dhe jam vërtet mirënjohës për mirëkuptimin tuaj”, ka shkruar tutje Rita Ora.
