Reshje të mëdha shiu përmbytën mëngjesin e djeshëm Kanë, një qytet në rivierën franceze i njohur për festivalin e tij të filmit.
Përrenj të mëdhenj zbrisnin rrugëve, duke mbajtur automjete pas tyre. Askush nuk u vra, ndryshe nga përmbytjet katastrofike në juglindje të Francës nëntë vjet më parë, kur vdiqën 19 persona, ndërsa dhjetëra mijëra mbetën pa energji elektrike.
U krijua Shtabi i Krizave
Situata është stabilizuar gjatë ditës së djeshme dhe stuhia ka vazhduar të lëvizë më në lindje, ka bërë të ditur zëdhënësi i bashkisë.
Kryebashkiaku David Lisnard i tha BFM TV se ai do të kërkonte një shpjegim nga autoritetet e tjera sepse qyteti mori paralajmërimin vetëm një orë pas fillimit të stuhisë. Ai konfirmoi se një shtab i krizës u krijua shumë shpejt dhe se shërbimet e urgjencës e riparuan dëmin në terren, raporton Reuters .
Përmbytjet kanë shkaktuar probleme të mëdha në të gjithë Evropën javët e fundit. Të paktën 17 persona kanë vdekur në Rumani, Poloni, Republikën Çeke dhe Austri nga përmbytjet më të këqija që kanë goditur Evropën Qendrore në dy dekada.
