Ministri i Financave, Punës dhe Transfereve, Hekuran Murati, ka thënë se Qeveria nuk bllokon llogaritë e komunave. Ai këtë reagim e ka bërë pasi kryetari i Komunës së Suharekës, Bali Muharremaj, ka bërë të ditur se u janë bllokuar qasjet për të gjithë zyrtarët financiarë, deri sa të procedohen vendimet gjyqësore/përmbarimore.
Sipas Muharremajt, komunat s’duhet të mbesin peng i një marrëveshje, që sipas tij duhet të zbatohet nga Qeveria.
Por ministri Hekuran Murati në reagimin e tij ka thënë se “kushdo që pretendon se Qeveria bllokon llogari të komunave, gënjen”.
“Qeveria nuk bllokon llogari, e aq më pak komunave. Llogaritë bllokohen nga përmbaruesit dhe vendimet e prera gjyqësore”, ka shkruar Murati. /Kosovatimes/
