Nga Presidenca e Kosovës u konfirmua se presidentja Vjosa Osmani ka vendosur të dërgojë një delegacion në krye me ambasadorin e Kosovës në SHBA, Ilir Dugolli, në ceremoninë e inaugurimit të presidentit të zgjedhur amerikan, Donald Trump.
Kreu i Aleancës për Ardhmërinë e Kosovës, Ramush Haradinaj, do të marrë gjithashtu pjesë në këtë ngjarje, ashtu si edhe ish-presidenti i Kosovës, Behgjet Pacolli, kryetari i Prishtinës, Përparim Rama, dhe biznesmeni Shkëlqim Devolli.
