AMERIKA ka pezulluar ndihmën ushtarake për Ukrainën, gjë që ka ngjallur reagime të shumta nga liderët dhe politikanët evropianë. Sot në Bruksel mbahet një samit i jashtëzakonshëm i Bashkimit Evropian. Këshilltari i Sigurisë Kombëtare i SHBA-së, Mike Waltz, konfirmoi se SHBA-ja ka pezulluar shkëmbimin e inteligjencës me Ukrainën.
Kryeministri polak Donald Tusk tha se “sot është dita kur gjithçka mund të ndryshojë – dhe ndoshta do të ndryshojë – kur bëhet fjalë për vendosmërinë evropiane, riarmatimin, industrinë e mbrojtjes dhe gatishmërinë tonë për t’u përballur me sfidën ruse ndaj botës”.
“Evropa në tërësi është e aftë të fitojë çdo konflikt ushtarak, financiar dhe ekonomik me Rusinë – ne jemi thjesht më të fortë,” theksoi ai. Tusk e krahasoi situatën me Luftën e Ftohtë, duke shprehur besimin e tij se “Rusia do ta humbasë këtë garë armatimesh, ashtu siç humbi Bashkimi Sovjetik 40 vjet më parë”. Ai shtoi se propozimi francez për parandalimin bërthamor “ia vlen të merret në konsideratë” dhe duhet të jetë pjesë e një plani më të gjerë për të forcuar bashkëpunimin evropian të mbrojtjes.
gjencia ruse e lajmeve TASS po raporton disa deklarata të tjera të ministrit të Jashtëm Sergei Lavrov, i cili thotë se çdo prani e forcave paqeruajtëse evropiane në Ukrainë do të konsiderohet “përfshirje zyrtare e NATO-s në luftë”. “Rusia nuk do të lejojë që kjo të ndodhë”, tha Lavrov.
