“Aktivitetet e sipërpërmendura të jashtme të dëmshme të Qeverisë së Federatës Ruse vazhdojnë të përbëjnë një kërcënim të jashtëzakonshëm për sigurinë kombëtare, politikën e jashtme dhe ekonominë e Shteteve të Bashkuara të Amerikës. Për këtë arsye, gjendja e jashtëzakonshme në nivel kombëtar duhet të vazhdojë përtej 15 prillit 2025”, thuhet në deklaratë.
Ajo që është e rëndësishme të theksohet është se njoftimi liston një sërë aktivitetesh që Rusia ka ndërmarrë kundër SHBA-së dhe në radhë të parë renditen: sulmet kibernetike ndaj SHBA-së, promovimi dhe përdorimi i korrupsionit transnacional për të ndikuar në qeveritë e huaja, aktivitete kundër disidentëve ose gazetarëve, minimi i sigurisë në vende dhe rajone kritike për sigurinë kombëtare të SHBA-së dhe të tjera.
Gjithashtu, një nga sulmet më të rëndësishme ndaj sigurisë kombëtare të SHBA-së përmendet si shkelje e parimeve të vendosura të së drejtës ndërkombëtare, siç është respektimi i integritetit territorial të shtetit.
