Në kuadër të masave për ruajtjen e rendit dhe qetësisë publike, Drejtoria e Policisë së Kryeqytetit në bashkëpunim me Inspektoratin Komunal ka ndërmarrë një aksion të përbashkët në disa lokale të Prishtinës gjatë mbrëmjes së kaluar.
Gjatë operacionit janë sekuestruar disa pajisje që shkaktonin zhurmë tej normave të lejuara dhe që ishin në përdorim në kundërshtim me ligjin.
“Po ashtu, janë shqiptuar edhe gjoba për prishje të qetësisë publike dhe për veprimtari jashtë orarit të lejuar”, thuhet në njoftim.
Policia ka bërë të ditur se operacione të tilla do të vazhdojnë edhe në ditët në vijim, me qëllim të forcimit të rendit dhe respektimit të ligjeve që garantojnë mirëqenien e qytetarëve.
“Ftojmë të gjitha subjektet afariste që të respektojnë rregulloret ligjore dhe të kontribuojnë në ruajtjen e qetësisë dhe sigurisë publike,” thuhet në njoftimin zyrtar të Policisë.
