Në Gjykatën Themelore në Prishtinë po vazhdon seanca gjyqësore në rastin Banjska. Sot në këtë gjykatë do të dëgjohet dëshmia e dëshmitarit anonim A2.
Prokurori ka kërkuar që seanca të mbyllet për publikun përkohësisht gjatë dëshmisë së dëshmitarit anonim A2, me qëllim që të garantohet siguria fizike dhe integriteti i procedurës penale.
Trupi gjykues mori aktvendim të aprovojë propozimin që seanca të kalojë e mbyllur gjatë dëshmisë së dëshmitarit A2, me qëllim të mbrojtjes së dëshmitarëve.
