Armë, municion, e granata dore janë gjetur e sekuestruar këtë të shtunë nga Policia e Kosovës në një shtëpi të braktisur në fshatin Joshevik të komunës së Zveçanit.
Policia ka bërë të ditur në këtë shtëpi të braktisur sot rreth orës 09:20 minuta u gjetën e sekuestruan një armë automatike AK-47 , një pushkë gjysmë automatike dy tytëshe, dhjetë karikatorë të zbrazët, gjashtë karikatorë të mbushur me nga 30 fishekë, 84 copë fishekë për pushkë automatike, 14 copë fishekë për pushkë gjysmë automatike, 1 rrip për fishekë, 2 granata dore M50 si dhe pajisje për pastrimin e armëve.
Kanë bërë të ditur se lidhur me rastin është njoftuar Prokurori i Shtetit, i cili ka udhëzuar inicimin e rastit për veprën penale “Mbajtje në pronësi, kontroll ose posedim të paautorizuar të armëve”.
Gjithashtu kanë bërë të ditur se deri në këtë fazë të hetimeve nuk ka persona të arrestuar në lidhje me këtë rast.
Policia e Kosovës ka falënderuar qytetarët për bashkëpunimin dhe ndihmën e vazhdueshme, si dhe kai inkurajuar që çdo rast të dyshimtë apo veprim të kundërligjshëm ta raportojnë në numrin emergjent 192 ose në stacionin më të afërt policor.
“Vetëm përmes bashkëpunimit të ndërsjellë mund të sigurojmë një ambient më të sigurt për të gjithë qytetarët, pa dallim”, thotë Policia e Kosovës.
