Rreth 440 trupa janë varrosur individualisht, të gjithë do të zhvarrosen dhe do të transportohen për ekspertizë mjeko-ligjore në kuadër të hetimeve.
Një varr masiv me rreth 440 varre është zbuluar në qytetin ukrainas të Izyum pasi u çlirua nga kontrolli i forcave ruse, tha një oficer i lartë i policisë ukrainase për Sky News .
Serhiy Bolvinov , hetuesi kryesor i policisë për rajonin e Kharkiv, tha se të gjithë trupat do të zhvarrosen dhe transportohen për ekzaminim mjeko-ligjor si pjesë e një përpjekjeje të madhe policore lidhur me zbulimin, së bashku me prokurorët dhe hetuesit e tjerë, për të mbledhur prova përkrimet ruse.
Ai tha se trupat janë varrosur individualisht në një vend të improvizuar.
Oficerët e policisë dinë gjithashtu për një numër varresh të tjera që kur filluan të hetojnë se çfarë krimesh janë kryer në pjesë të rajonit të Kharkiv, të cilat ishin nën pushtimin rus për muaj të tërë, por tani janë kthyer në duart e Ukrainës, tha Bolvinov.
Të shtëna, zjarr artilerie, sulme ajrore…
“Mund të them se është një nga varrosjet më të mëdha në një qytet të çliruar, me më shumë se 440 varre. Rreth 440 trupa u varrosën në një vend”, tha kryehetuesi, duke iu referuar vendit në Izjum.
I pyetur nëse mund të thotë se si vdiqën viktimat, ai u përgjigj: “Ne e dimë se disa u vranë (të qëlluan), disa vdiqën nga zjarri i artilerisë, nga të ashtuquajturat trauma nga shpërthimi i minës. Disa vdiqën në sulme ajrore. Gjithashtu kemi informacione se shumë trupa ende nuk janë identifikuar, kështu që shkaqet e vdekjes do të përcaktohen gjatë hetimeve”, është përgjigjur ai i pyetur nëse mund të thotë se si kanë vdekur viktimat./KT
