“Kosova ka nevojë për ne të gjithë”. Kjo është moto e thirrjes së një proteste për sot para Komisionit Evropian në Bruksel, e organizuar nga Forumi i Shoqatave dhe Intelektualëve Shqiptarë në Belgjikë. Protesta nis në orën 14:30 bëjnë të ditur organizatorët.
Ibrahim Hajdari, udhëheqës i Këshillit Organizativ të protestës dhe përfaqësues i Forumit të Shoqatave dhe Intelektualëve Shqiptarë në Belgjikë, i tha Radio Kosovës se do t’i kërkohet Komisionit Evropian që të reflektojë për situatën në Kosovë dhe të mos sillet sikur nuk ka ndodhur sulmi terrorist i 24 shtatorit në veri të Kosovës.
