“Perëndimi i bëri një shërbim të keq Serbisë kur, pas disfatës ushtarake të Millosheviqit në Kosovë në vitin 1999, i ofroi një dalje të ndershme, negociata dhe ballafaqim me politikën e dështuar të dhunës dhe krimeve të luftës”.
Vendet perëndimore bënë një gabim të madh që nuk e dënuan Serbinë dhe regjimin e Sllobodan Millosheviqit në vitin 1999 , ka thënë profesori i Beogradit Ivan Videnoviq , shkruan Politika.ba.
I njohur për tonet e tij disonante, krahasuar me “mainstreamin” serb, ai ka shkruar në llogarinë e tij në Twitter:
“Perëndimi i bëri një shërbim të keq Serbisë kur, pas disfatës ushtarake të Millosheviqit në Kosovë në vitin 1999, i ofroi një dalje të ndershme, negociata dhe ballafaqim me politikën e dështuar të dhunës dhe krimeve të luftës”.
Ai deklaroi se duhej bërë ndryshe.
Perëndimi, beson Videnoviç, duhej të ishte i rreptë dhe ta trajtonte Serbinë si një vend të mundur ushtarakisht dhe të poshtëruar “që nuk vë në dyshim asgjë”. Mirëpo, meqenëse kjo nuk u bë fare, “elitës politike dhe qytetarëve serbë” iu dha një “besim i rremë se lufta në të vërtetë nuk ishte e humbur, se fajtorët nuk duhet të dënohen, se ushtria që kreu krime kundër civilëve nuk ishte i mundur dhe i dëbuar nga Kosova” dhe u krijua iluzioni “për rëndësinë dhe forcën e shtetit të Serbisë, nga i cili varet diçka në Kosovë”. /Kosovatimes/
Zapad je medveđu uslugu napravio Srbiji kada joj je, posle vojnog poraza Miloševića na Kosovu 1999, ponudio častan izlaz, pregovore i suočavanje sa propalom politikom nasilja i ratnih zločina. Umesto strogog tretmana vojnički poražene i ponižene države koja se ništa ne pita. ⬇️
— Ivan Videnovic (@i_videnovic) October 14, 2022
