Faton Peci një nga bashke kryetarët e Partia Guxo assesi të pajtohet me vendimin e KQZ i cili ka konstatuar shkelje në zgjedhjet e brendshme të këtij subjekti, madje duke emëruar dy kryetar.
Kuvendi i kësaj partie i datës 7 shtator 2022 sipas KQZ është zhvilluar jashtë rregullave që përcaktohen në rregulloret e brendshme të KQZ-së për regjistrimin dhe certifikimin e partive politike.
Por Peci në një sqarim për opinionin i quajti vendime të paqena lajmet e publikuar në media për mundësinë e kontestimit të legalitetit të ecurisë së Kuvendit të Parë të partisë sonë.
“Në emër të Partisë Guxo, dëshiroj të qartësoj opinionin se ne nuk mund të diskutojmë mbi vendime të paqena.
Ajo që është e rëndësishme të qartësohet për opinionin në këtë fazë, është se para çdo procesi të votimit dhe aprovimeve dhe ndryshimeve statutare, çdo veprim e kemi dakorduar me përfaqësuesit e Komisionit Qendror Zgjedhor, që ishin të pranishëm para dhe gjatë punimeve të Kuvendit.
Një gjë është e qartë si kristali, se Guxo nuk zmbrapset para asnjë sfide” tha ai. /Kosovatimes/
