sh-kryeministri britanik Boris Johnson dha një intervistë për Sky News, në të cilën ai e krahasoi presidentin rus Vladimir Putin me presidentin e ndjerë serb Slobodan Millosheviç.Ai tha se Putin bëri një “gabim katastrofik” kur vendosi të sulmonte në Ukrainë.
“Të gjithë ne në qeverinë britanike kemi lexuar esenë e tij të çmendur mbi Ukrainën, të cilën ai e botoi verën e kaluar. Ai e gjykoi në thelb Ukrainën gabim. Ishte sikur të lexoja Sllobodan Millosheviqin për temën e Kosovës”, ka thënë Johnson, përcjell Index.hr.
“Putini mendon për Ukrainën ashtu siç mendoi Millosheviqi për Kosovën”
“Milosheviqi mendonte se Kosova ishte pjesë përbërëse e Serbisë së madhe dhe atdhe shpirtëror i kombit serb. Mendoj se Putini mendon të njëjtën gjë për Kievin dhe origjinën e besimit ortodoks”, tha ish-kryeministri britanik.
Ky, beson ai, është një “gabim total”.
“Ukraina është një kulturë e lirë dhe e pavarur evropiane me identitetin, ambiciet dhe fatin e saj. Ai bëri një gabim thelbësor”, tha Johnson.
