Me 311 vota për, 112 kundër, Dhoma e Përfaqësuesve në ShBA e ka miratuar Projektligjin i cili parasheh ndihmën ushtarake për Ukrainën, Izraelin dhe rajonin e Indo-Paqësorit, përfshirë Tajvanin në vlerë prej më shumë se 90 miliard dollarë. Të menjëhershme ishin reagimet e presidentit Biden, presidentit të Ukrainës, Volodymyr Zelenski dhe sekretarit të NATO-s Jens Stoltenberg.
Duket se mungesës së armatimit dhe municioneve Ukrainës po i vije fundi pasi Dhoma e Përfaqësuesve në ShBA ka miratuar projektligjin për ndihmën për Ukrainën. Pakoja e miratuar e ndihmës në Dhomën e Përfaqësuesve përfshin edhe ndihmën për Izraelin dhe zonën e Indo-Paqësorit ku përfshihet edhe Tajvani.
Projektligji për Ukrainën është miratuar me 311 vota për, ndërsa kundër ishin 112.
Nga kjo pako e ndihmës, Ukraina do të përfiton 60.8 miliardë dollarë ndihmë, 26.4 miliardë për Izraelin dhe 8.1 miliardë dollarë ndihmë për rajonin e Indo-Paqësorit, përfshirë këtu Tajvanin.
Pas miratimit në Dhomën e Përfaqësuesve, projektligji kalon në Senat ku pritet që të miratohet pa ndonjë vonesë ndërsa presidenti Biden është zotuar se do ta nënshkruajë. Me nënshkrimin e presidenti projektligji shndërrohet në ligj.
Pas miratimi, presidenti amerikan Joe Biden ka lëshuar një deklaratë në të cilën thuhet se miratimi I këtij projektligji dërgon një mesazh të qartë për lidershipin amerikan në botë. Kërkoj nga Senati që këtë projektligj ta dërgon në tavolinën time për nënshkrim sa ma parë, ashtu që të mund të dërgojmë sa ma parë armë dhe pajisje në Ukrainë për t’i përmbushur nevojat e tyre në fushëbetejë, ka shtuar Biden.
I menjëhershëm ka qenë reagimi I presidentit të Ukrainës, Volodymyr Zelenski I cili ka falënderuar Dhomën e Përfaqësuesve, edhe përfaqësuesit demokrat edhe ata republikan e personalisht kryetarin e Dhomës Mike Johnson.
Ka reaguar edhe sekretari I përgjithshëm i NATO-s Jens Stoltenberg I cili e ka mirëpritur miratimin e ndihmës nga Dhoma e Përfaqësuesve. Kjo ndihmë do t’i plotëson dhjetëra miliarda ndihma të aleatëve evropian për Ukrainën, ka thënë Stoltenberg.
Kjo pako e ndihmës ishte bllokuar tash e disa muaj nga republikanët, disa nga të cilët kundërshtonin dërgimin e ndihmës matanë oqeanit në vend se ta trajtonin çështjen e kufirit me Meksikën.
