Sekretari i Shtetit i SHBA-së, Marco Rubio, theksoi sot se vendi i tij nuk ka nevojë për naftë venezueliane.
” Ne kemi naftë me bollëk në SHBA . Ajo që nuk do të lejojmë është që industria e naftës në Venezuelë të kontrollohet nga kundërshtarët e SHBA-së… Pse i duhet Kinës nafta e tyre? Pse i duhet Rusisë nafta e tyre? Pse i duhet Iranit nafta e tyre?” tha Rubio.
Ai theksoi se SHBA-të nuk do të lejojnë që Hemisfera Perëndimore të jetë baza e operacioneve për kundërshtarët, konkurrentët dhe rivalët e SHBA-së.
– Ne duam të shohim që të ardhurat nga nafta e atij vendi janë të dobishme për popullin e Venezuelës – shtoi ai.
Zyrtari amerikan i tha NBC-së se SHBA-të do të vazhdojnë të sulmojnë anijet e drogës dhe të sekuestrojnë anije të sanksionuara, duke iu referuar cisternave të naftës, me qëllim që të ushtrojnë presion mbi Venezuelën.
“Ne jemi në luftë me organizatat e trafikut të drogës, nuk është një luftë kundër Venezuelës”, tha Rubio .
Ai shtoi se SHBA-të do të vazhdojnë të synojnë anijet e drogës nëse ato përpiqen të drejtohen drejt Amerikës .
