Ambasadori i Qipros në Serbi, Dimitrios Teofilaktu, ka deklaruar se qëndrimi i vendit të tij për mosnjohjen e Kosovës është siç tha ai “parimor dhe konsistent”.
“Qëndrimi ynë për mosnjohjen e Kosovës është parimor dhe konsistent dhe jo vetëm sepse kemi një problem të ngjashëm. Për të qenë të besueshëm, duhet të udhëhiqemi nga qëndrime konsekuente dhe parimore, në përputhje me të drejtën ndërkombëtare”, ka theksuar ai në një intervistë për të përditshmen beogradase “Politika”, në përfundim të mandatit të tij diplomatik në Beograd.
Sipas tij, marrëdhëniet mes Qipros dhe Serbisë janë tradicionalisht të forta.
